最掂燒味 (已結業)

聽朋友同阿哥介紹，下午茶，我揀左最掂燒味。都冇令我失望，仲有啲驚喜。我揀左雙拼燒味飯，叉燒同切雞。佢地仲送左碗湯俾我飲，碗湯仲要係正野。我仲加左個$9生菜食，飲熱檸蜜，總共$48，我覺得計埋質素，真係物超所值。叉燒切雞飯有人話，燒味飯就好似一場賭博，因為你唔會知你抽中咩位置。今日，我諗我贏左。因為叉燒都幾靚仔，仲要抽到雞脾。份量十足，下午茶黎講，係好大碗，唔係淨係飯多，連燒味嘅份量都唔少。今次可能未試到佢哋嘅懷舊叉燒腩，但普通叉燒黎講，都算above average，相片就睇得出，叉燒唔瘦，帶有少量脂肪，但又未到半肥瘦，已算唔錯。雞脾就正常地好味，多肉又夠滑。健康素湯好好飲，冇味精又夠料，有白蘿蔔，紅蘿蔔，龍眼，個有其他，總共十樣，只係我唔知講唔晒。淨係碗湯我都想encore。總結：未必係最掂，但都夠掂，碗湯真材實料。雖然我俾好評，個感覺未到咁多好評。