影片
更多
2010-10-09
11 瀏覽
近期有不少報道關於呢間Mirror餐廳，有D話大廚Jeremy就係米芝蓮大廚Alain Ducasse嘅高足， 好多為食嘅朋友因此慕名而來。餐廳位於灣仔同銅鑼灣中間嘅天輝中心，大廈好新而多數單位都倘未租出。食神步出電梯之際，侍應已經開門挾道歡迎。(點解會知有客到呢?) 餐牌選擇唔多，前菜、主菜、甜品全部二選一。冇問題，我哋貴精不貴多，最緊要係食物質素啫。不過有少少意見就係餐牌方面，餐廳冇提供真正hardcopy嘅餐牌，侍應生又比較怕羞同斯文，聲線好細聽倒大概菜式名但係用料、醬汁等就不太清晰，如用傳統menu或者用黑板會好D。 黑松露炒蛋 (Grade: 2/5)心目中滿以為炒蛋加入咗黑松露會好香濃，誰不知入口好清淡，需要再加鹽、胡椒粉來調味。 Mozzarella cheese with tomato (Grade: 3/5)Mozzarella cheese同蕃茄素來都係絕配。呢道頭盤沙律也用咗呢個winning formula，將水牛芝士嘅方塊釀入小蕃茄中心，之不過芝士還有D在解凍中嘅感覺，跟蕃茄唔係太融合一致。不過可以一讚嘅係小蕃茄本身好甜美可口，有一種清新refreshing
餐廳位於灣仔同銅鑼灣中間嘅天輝中心，大廈好新而多數單位都倘未租出。食神步出電梯之際，侍應已經開門挾道歡迎。(點解會知有客到呢?)
餐牌選擇唔多，前菜、主菜、甜品全部二選一。冇問題，我哋貴精不貴多，最緊要係食物質素啫。不過有少少意見就係餐牌方面，餐廳冇提供真正hardcopy嘅餐牌，侍應生又比較怕羞同斯文，聲線好細聽倒大概菜式名但係用料、醬汁等就不太清晰，如用傳統menu或者用黑板會好D。
黑松露炒蛋 (Grade: 2/5)
心目中滿以為炒蛋加入咗黑松露會好香濃，誰不知入口好清淡，需要再加鹽、胡椒粉來調味。
Mozzarella cheese with tomato (Grade: 3/5)
Mozzarella cheese同蕃茄素來都係絕配。呢道頭盤沙律也用咗呢個winning formula，將水牛芝士嘅方塊釀入小蕃茄中心，之不過芝士還有D在解凍中嘅感覺，跟蕃茄唔係太融合一致。不過可以一讚嘅係小蕃茄本身好甜美可口，有一種清新refreshing嘅口感。
烤雞配黑松露汁 (Grade: 3/5)
選用咗雞脾肉，肉質較為嫰滑。可惜醃料唔算入味而味道略為清淡，配以磨菇黑松露汁亦似乎唔係太配合。
海鮮拼盤 (Grade: 1.5/5)
賣相強差人意，味道亦都不比賣相好。拼盤包括蝦、小蜆同魚柳，肉質唔似太新鮮，係令人最失望嘅一道菜。
榛子甜品 (Grade: 3.5/5)
想唔到甜品係整頓午餐最出色嘅部份。侍應未有深入介紹，只形容為『榛子甜品』。甜品質感有D似"摺"成數層嘅crepes，面頭再加上一層榛子醬、一層忌廉同果仁，好有層次感。相比頭盤、主菜出色得多。
如其去信大廚係Alain Ducasse嘅得意門生，我要選擇去相信佢係Ducasse十幾年嘅同事多D。
張貼
