影片
更多
2019-10-30
81 瀏覽
觀塘嘅商廈入面出名多好嘢食，食肉獸朋友今次帶蕃薯妹嚟試下「Steak Night Saturday-牛扒之夜」！我地嚟到嘅時候只係5:50pm，只有兩檯食客到場等緊朋友，大概6:30pm-7:00pm左右就開始人多，可想而知牛扒之夜響食肉獸界都算薄有名氣😂 所以想嚟試嘅朋友最好都係Book定位啊！呢度嘅環境都幾舒服，裝修簡潔得嚟又不失時尚格調，有少少特色佈置，光線柔和都算有情調。叫得牛扒之夜，故名思義即係係咁食牛扒。無錯～ 今晚係紐西蘭西冷牛扒無限時任食㗎！可以Order任食嘅有牛扒、慢煮牛舌同埋炸薯條，另外仲可以任食自助沙律吧、是日餐湯同麵包、前菜、飲品。自助沙律吧呢度嘅前菜沙律吧種類都算豐富，除咗有6款唔同嘅沙律菜，仲有薯仔沙律、粟米、西蘭花、南瓜蓉、蕃薯、磨菇、露筍、茄子、車厘茄等等...南瓜蓉非常好味～茄子就幾特別，食落去好似有少少麻辣味道，類似手拍青瓜嘅風味，好食~~而醬料方面有千島醬、沙律醋，仲有個類似泰式嘅沙律醬汁，個汁幾特別酸酸辣辣咁，試下加落個西蘭花度，又幾好味，好開胃㗎👍沙律吧仲有餐湯，今日款式係香蒜薯蓉湯，個味好香好濃郁，唔使落其他調味料已經好夠味😋麵包可以搽牛油
我地嚟到嘅時候只係5:50pm，只有兩檯食客到場等緊朋友，大概6:30pm-7:00pm左右就開始人多，可想而知牛扒之夜響食肉獸界都算薄有名氣😂 所以想嚟試嘅朋友最好都係Book定位啊！
呢度嘅環境都幾舒服，裝修簡潔得嚟又不失時尚格調，有少少特色佈置，光線柔和都算有情調。
叫得牛扒之夜，故名思義即係係咁食牛扒。
無錯～ 今晚係紐西蘭西冷牛扒無限時任食㗎！
可以Order任食嘅有牛扒、慢煮牛舌同埋炸薯條，另外仲可以任食自助沙律吧、是日餐湯同麵包、前菜、飲品。
沙律吧
8 瀏覽
0 讚好
0 留言
沙律吧
5 瀏覽
0 讚好
0 留言
沙律
24 瀏覽
0 讚好
0 留言
自助沙律吧
呢度嘅前菜沙律吧種類都算豐富，除咗有6款唔同嘅沙律菜，仲有薯仔沙律、粟米、西蘭花、南瓜蓉、蕃薯、磨菇、露筍、茄子、車厘茄等等...
南瓜蓉非常好味～
茄子就幾特別，食落去好似有少少麻辣味道，類似手拍青瓜嘅風味，好食~~
而醬料方面有千島醬、沙律醋，仲有個類似泰式嘅沙律醬汁，個汁幾特別酸酸辣辣咁，試下加落個西蘭花度，又幾好味，好開胃㗎👍
是日餐湯
6 瀏覽
0 讚好
0 留言
沙律吧仲有餐湯，今日款式係香蒜薯蓉湯，個味好香好濃郁，唔使落其他調味料已經好夠味😋
麵包可以搽牛油或者沾橄欖油黑醋食😋
飲品
5 瀏覽
0 讚好
0 留言
飲品有3款，百香果金巴利紅茶，芒果幾紅茶同埋巨峰提子紅茶，喺水吧枱自己斟，3樣都試哂，唔會太甜，幾好飲~
第一轉Order咗牛扒、慢煮牛舌同埋炸薯條各1份。
慢煮牛舌
5 瀏覽
0 讚好
0 留言
慢煮牛舌好厚切，但係竟然唔靭，一切落去就發現原來好軟好淋，食落唔乾好易咬😋每份仲會配個黑椒汁，點埋個汁仲好味~
炭燒紐西蘭西冷牛扒
17 瀏覽
0 讚好
0 留言
牛扒第一轉揀咗5成熟試下先，見佢個表面燒得好靚，擺盤賣相都好吸引，一放低已經可以聞到有啲炭燒味，好香👍
紐西蘭西冷扒原來好重牛味，比較有口感，雖然有咬口但係唔會靭唔會鞋，仲有好多肉汁。
又真係幾好味喎😋😋😋
炸薯條
4 瀏覽
0 讚好
0 留言
炸薯條炸得夠香脆，襯佢熱辣辣嘅時候食非常滋味😋
食完頭輪，坐下又食下沙律，order第二轉牛扒，試完第一份覺得啲牛嘅質素幾好，今次就試下3成熟😬
炭燒紐西蘭西冷牛扒
3 瀏覽
0 讚好
0 留言
炭燒紐西蘭西冷牛扒
14 瀏覽
0 讚好
0 留言
嚟到見到聞到塊西冷都係燒得好香口，3成食落更加juicy，而且都係好淋好軟身👍👍好好味~~
炭燒紐西蘭西冷牛扒
4 瀏覽
0 讚好
0 留言
最後2個人總共食咗3塊牛扒，其實佢每塊份量都好足，目測應該有7-8oz，仲有唔知幾多轉嘅前菜沙律，飽到一個點🤣但係真係好抵食
是日甜品-心太軟
11 瀏覽
0 讚好
0 留言
是日甜品-心太軟
29 瀏覽
0 讚好
0 留言
每位食客送一客甜品，今次嘅甜品係迷你心太軟，擺得好有心思好靚🥰 一口一粒唔會太漏，為牛扒之夜畫上完美句號。
張貼
