豚王 (已結業)

一支公，尖沙咀唔知食乜，去咗棉登徑豚王。好耐冇嚟，原來裝咗修，以前感覺warm啲，現在以黑為主，就好有型。以前去豚王，多數食「豚王」，因為唔使諗，又好味。今次見佢出咗個海老王，求其點咗，點知出事。個麵好細，唔緊要，我唔mind，98蚊一碗拉麵，唔飽就預咗㗎啦，邊個話過食拉麵一定要飽㗎。但可能我心急，海老王原來冇蝦㗎，頂，我本來想食隻蝦咋。自己又衰，睇字唔睇圖，真係冇蝦㗎。我要蝦呀。所謂「海老王」原來只係加啲蝦味味精，成堆粉咁上，擺明係咪精，但又幾好味。喂大佬，上市咁有錢，畀隻蝦都得掛，海老王要隻蝦啫，點解唔畀我喎。除咗冇蝦，其實整體又ok，又乾淨上菜又快，希望下來再嚟食，海老王會有蝦啦。