乘意

營業中

休息中

新正頭去完林村許願樹，返出嚟大埔墟，想搵少少嘢食，於是決定嚟寶湖花園商場試下呢間。下午茶主要係牛角包同烏冬兩種選擇，我唔太肚餓，於是就叫咗個豬扒牛角包，加五蚊配多杯即磨咖啡。牛角包比想像中大隻，差唔多有成隻碟咁大，咬落鬆脆，唔錯。豬扒肉質軟腍 juicy，肥瘦適中，煎得剛好，底下塊生菜中和咗豬扒嘅肥膩感覺，好食。即磨咖啡用雙層玻璃杯盛載，保溫度一流，坐得耐都唔會好快凍，雖然係小店，呢啲 detail 位都做到足，可見其用心經營。