牛陣 (已結業)

唔知大家有無聽過乜野叫生酮飲食, 即係人稱食肉減肥法, 就即係除咗糖同澱粉之外, 其餘乜都食得, 難得中秋放假就同老婆兩個出去搵食, 但香港想搵間生酮餐廳真係有啲難度, 打邊爐係一個唔錯啲選擇, 淨食肉, 少醬少汁又可以好食嘅就一定係食和牛喇, 今日我哋就去咗旺角牛陣打邊爐, 淨係ORDER咗黑毛和牛同牛舌, 打邊爐啲肉靚已經嬴咗一半, 加埋個湯頭夾的食材就嬴晒：粙子湯其實個湯有啲清, 有少許粙子甜味, 加清新感, 淨食牛肉係幾夾, 唔會太油膩, 好啱生酮飲食人事食用。黑毛和牛油花雖然唔係最靚最頂級, 但208位, 啲牛入口即熔, 有和牛油香, 再配粙子湯嘅清新感, 減少牛騷味, 係好食嘅。牛舌薄切, 無渣, 爽口, 有牛舌味, 一口一片, 好食。是日兩位食咗九碟黑毛和年, 兩碟牛舌, 再加的菜, 係抵食嘅, 自己要料, 460都買唔到咁多份量嘅黑毛和牛, 如果淨係食和牛係抵嘅。