更多
2015-09-15
6382 瀏覽
為咗同囡囡慶祝生日,早已在一星期前決定全家總動員去食buffer,由於唔想去太遠所以選了附近帝都酒店的2+2 cafe,價錢分別有全時段6-10pm$588(有7折優惠)及$408兩小時時段,另加$88有紅白酒任飲,我哋選擇了8-10pm,主題為皇宴,主打的波士頓開邊龍蝦size算中等,肉質彈牙口質鲜甜,咬落去啖啖肉,唔錯的,但蟹腳及藍青口就比較遜色了,好瘦無咩肉,蠔雖然唔算大隻但也新鮮,滑身厚肉,都是即開及有staff沖洗乾淨,刺身方面有基本的三文魚,吞拿魚,北寄貝,八爪魚等,至於熟食選擇唔多,大約只有10至12款左右,最好味算是羊架了,其他咖哩,乳鴿等相當普通,湯中西兩款,龍皇湯重龍蝦味,頗濃的,不錯,至於即切燒豬脾及西冷燒得太乾身了,口感有點硬,不過最特別的是有一個自選海鮮(如:蟹,龍蝦蚶,瀨尿蝦,魚塊)等避風塘即炒位置,蟹香味泊鼻最為滋味,夠大隻蟹蚶有手掌之大,只是略為太多油,中段還有西班牙炒飯,上面配料有蝦,蜆,蟹腳等食材但太乾身,味道淡口,最後甜品有自製班戟,豆腐花,十多款糕點,布甸,焦糖燉蛋左右,但沒什麼一款特別美味,反而還是傳統的皇牌雪糕Haagen Dazs出品較好,
張貼