金華冰廳

營業中

休息中

見好多人排隊，但咁啱兩個人搭枱可以直入就抱住試下既心態入去，點知變左韭菜。第一，坐得超唔舒服，極迫，一張好窄既四人卡位枱要同兩個陌生人搭枱好近距離咁食野，為左做多啲生意真係可以去到幾盡？第二，野食及餐飲味道過咸過甜，叫左豬扒炒公仔麵，咸到倒左半枝豉油落去炒咁，最後就算唔平都食剩左，因為真係本身12分餓都食唔落。其次野飲勁甜，叫左凍奶茶少冰，落左半罐煉奶一樣，少冰都成杯冰，但反而慶幸，因為無冰溝淡啲係甜到飲唔落。第三，價錢不合理。叫個炒麵野飲要另計，盛惠22一杯凍飲，餐點加凍飲總共82蚊，82蚊去譚仔食兩碗米線都無咁嬲。第四，員工服務態度惡劣，同行朋友叫左個麵餐，理應係凍飲加3蚊就可以，但計左22蚊，如果無對單可能就會比呢間店呃左啲錢。同收銀既人講話打錯單計錯錢，收銀啊姐就系哂臉咁話唔關佢事問其他伙記，完全唔想幫你解決問題既態度。本身無諗住寫呢間餐廳，但比員工態度激嬲左，附圖係見佢咁既態度怕佢唔認數唔肯計番啱快快手影低餐點既證據，好彩最後有其他員工打番啱張單。總結去呢間餐廳係貼錢買難受，唔明點解咁多人仲特登排隊去食，大家真係諗清楚先，連試都無必要。