聚Cafe (已結業)

朋友路經此地…嚇然發現開左間新cafe...門口仲寫到好有來頭咁添>>大廚級質素xxxxx…………於是乎就即管試下啦…呢度地方唔大…只有廿幾個位…掛牆鏡既設計…顯得地方寬大…午餐只得幾款set...並無其他散叫…又無甜品…朋友有點不是味兒吧…好開心聽到侍應話>>是日餐湯係南瓜忌廉湯…但驟眼一望…顏色唔吻合…無忌廉拉花…先渴一口…完全感覺唔到南瓜既味道…估計大有可能係粟米湯黎…味道偏咸…失望！！忌廉煙肉白菌意粉～一上枱就聞到陣陣香…有點似卡邦尼既味道呢…在淡淡既忌廉當中…稍為煎過既煙肉味道份外突出…而所謂的白菌就只見到有磨菇而已…尚算ok...蕃茄焗豬扒飯～賣相算唔錯…仲有芝士…但味道並不香濃…蕃茄有大小蕃茄…蕃茄汁味道一般…豬扒不過不失…米飯係珍珠米黎…但沒有雞蛋炒底…尚可…薄荷泡沫朱古力+泡沫朱古力～朋友覺得薄荷好好味…我就只覺朱古力味唔夠濃…泡沬未能帶出驚喜…