程班長台灣美食 (已結業)

一講台灣菜無理由唔識程班長，終於有機會一探究竟。程班長位於就腳工廈，D2附近，非常易揾。相信大家都係純為食物而去，翻枱速度快，多人都係等十分鐘左右。肉燥麵:🔅🔅🔅🔅肉燥肥瘦適中、台式甜鹹度、麵身彈牙不膩，比刀削麵好食。皮蛋豆腐（後）：🔅🔅🔅🔅🔅喺香港多唔多人識佢？ 多年前台灣劇初紅嘅時候食過，老闆話要壓到糊仔咁食就最好味！皮蛋唔會好似上海嗰隻半熟咁腥，醬料鹹甜味平衡(出面有啲整到好鹹)，非常對版！牛肚:🔅🔅🔅🔅🔅見有就試下，炆到好入味又多林，冇騷味，加埋少少辣汁🤤程班長可以試開牛肚麵檔！鹽酥雞:🔅🔅🔅🔅🔅炸野係人都識，但可以做到薄酥胝脆炸漿包住嫩滑無筋雞肉，呢啲全部都睇得出廚師斤兩同用心！仲要個場咁旺都保持水準，真心難！超讚推薦！港人想點喼汁🤣🤭🤣手抓餅:🔅🔅🔅比一般大塊，小心思就係有特登剪幾下令佢個樣靚仔啲。食落較乾，但另一個選擇就係入蛋，會太飽。希望有其他款可供選擇。 因為係飯堂feel冇乜裝修，所以價錢以環境黎講唔算抵，但為一解台灣美食嘅嘴饞絕對可以！適合同close嘅人去😆