再興燒臘飯店

營業中

休息中

又做最討厭既珠寶展，山長水遠、由朝企到晚之餘，仲無啖好食！會展飯由開場到依家出晒名又貴又難食！一眾同事一致通過要食好啲，三少爺提議平靚正燒味飯，無問題！我叫家齊順路行去買，哈哈。灣仔會展新翼急步走黎都要十五分鐘，好采家齊由紅磡過黎會經過啫，多謝家齊長途跋涉買外賣。嘩，見到張相人山人海，唔洗錢咩？燒鵝髀叉燒飯加咸蛋，叉燒味道有點偏咸，不過質感夠腍有咬口，還可以。價錢真係抵到爛呀 ﹗三個雙併燒味飯，油雞髀飯、燒鵝髀飯及雙髀飯總共都只係百幾蚊，灣仔銅鑼灣區超值啦！燒鵝髀切雞髀飯加咸蛋，雙髀飯六十幾蚊平到您唔信！切雞髀嫩滑多汁，薄薄雞皮唔肥且彈，質數都唔錯喎。鵝髀肉質幼細味香濃，滑溜溜，皮香肉嫩高品質。不過始終紅磡君旺燒臘高幾班，當然價錢都較高啦 ﹗做左幾日既展覽，第一日整個飯盒清晒乍，前幾日食驚嚇會展出品。香港珠寶展做左十年喇，今次係最好食、最豪華、最抵食既一餐喇 ﹗我唔食蔥架，咁大堆蔥有排揀又搞到啲飯油淋淋，由細到大都好怕。好采豉油香甜，蓋過草青味啫撈埋咸蛋無得頂呀。