上海佬餐館 (已結業) 查看

今天在飲食雜誌上看到上海佬推出大閘蟹套餐，立即同老婆訂位試試。第一道菜是上海老招牌前菜，有海蜇頭，燻蛋，馬蘭頭，醉雞。海蜇頭十分脆口，燻蛋煙燻味香，中間流心，配上黑魚子，賣相一流。醉雞香滑，玫瑰露味香，一次過可嘗試了上海佬的招牌前菜。第二道菜是蟹粉豆腐羹，略嫌湯不夠濃，味道一般。跟著是清炒蟹粉河蝦會芝麻餅，河蝦清甜蟹粉亦多，把芝麻餅填得脹卜卜。再來蟹粉黃金磚，蟹粉份量十足。第四道菜是六兩重大閘蟹一隻，今晚食蟹公，可惜蟹膏不夠甘香，蟹肉亦不夠清甜，有點失望。第五道菜是蟹粉豆苗，蟹粉多得看不到豆苗，味道十分濃郁。最後是蟹粉小籠包，小籠包其實做得不錯，可惜蟹粉有點腥味。這個套餐一共有六款大閘蟹菜式，大部份菜式蟹粉份量亦十足，今晚還點了十年古龍花雕，大滿足。