影片
更多
2023-09-23
1000 瀏覽
今日去咗灣仔Oyster House食Brunch set，399一位，淨係前菜都有6道，食到飽飽好滿足。先嚟四隻法國生蠔，真係好鮮甜，肉身飽滿而且夠creamy，有種鹹鹹地海水味道，蠔味濃郁又美味。西班牙八爪魚配白豆薯肉沙律，薯蓉甜甜地，加咗白豆同埋八爪魚，比平日有啲咬口，仲帶橄欖油香。挪威三文魚薄片，上面撒咗粉紅胡椒同鮮果，色彩繽紛，好靚好激發少女心！粉紅胡椒有少少麻感，食落感覺好新鮮。海鮮刺身塔，用咗芝麻味嘅中東米同辣辣地嘅泡菜醬汁，加埋彈牙嘅八爪魚，好好口感，整個前菜感覺fresh。鴛鴦紅酒燴豬臉肉伴黑松露薯蓉，豬臉肉燴得好腍，同埋黑松露薯蓉一齊食，味道濃郁香氣四溢。自家製蟹餅，上次都有食過，好重蟹味，仲食到一絲絲蟹肉，外層炸到好香脆，令人回味無窮。主菜有油封鴨腿伴黑松露薯蓉，鴨腿肉肥美，皮煎到好香脆，帶有一種令人垂涎欲滴嘅口感。烤牛骨髓拌和牛肉眼粒，骨髓份量好大條，牛肉眼粒煮到好入味，配埋煮到甜甜地嘅洋蔥同烘到脆口嘅多士，味道一流。我會推薦食完之後刮埋骨髓伴多士，增添多一重享受。最後係精選甜品拼盤！白酒煮梨，甜甜地，清新嘅口感可以中和返主菜嘅味道，梨去咗皮，吸收哂白酒香。香蕉
法國生蠔
15 瀏覽
0 讚好
0 留言
西班牙八爪魚配白豆薯肉沙律
13 瀏覽
0 讚好
0 留言
挪威三文魚薄片
15 瀏覽
0 讚好
0 留言
海鮮刺身塔
14 瀏覽
0 讚好
0 留言
鴛鴦紅酒燴豬臉肉伴黑松露薯蓉
5 瀏覽
1 讚好
0 留言
自家製蟹餅
12 瀏覽
0 讚好
0 留言
油封鴨腿伴黑松露薯蓉
7 瀏覽
0 讚好
0 留言
主菜有油封鴨腿伴黑松露薯蓉，鴨腿肉肥美，皮煎到好香脆，帶有一種令人垂涎欲滴嘅口感。
烤牛骨髓拌和牛肉眼粒
8 瀏覽
0 讚好
0 留言
烤牛骨髓拌和牛肉眼粒，骨髓份量好大條，牛肉眼粒煮到好入味，配埋煮到甜甜地嘅洋蔥同烘到脆口嘅多士，味道一流。我會推薦食完之後刮埋骨髓伴多士，增添多一重享受。
甜品拼盤
7 瀏覽
0 讚好
0 留言
最後係精選甜品拼盤！
6 瀏覽
0 讚好
0 留言
白酒煮梨，甜甜地，清新嘅口感可以中和返主菜嘅味道，梨去咗皮，吸收哂白酒香。
香蕉拖肥批
7 瀏覽
0 讚好
0 留言
香蕉拖肥批，曲奇餅底上面鋪咗焦糖、忌廉同香蕉，味道濃郁而且非常夾，極之邪惡。
檸檬撻
6 瀏覽
0 讚好
0 留言
檸檬撻，上面有層蛋白，甜中帶酸嘅味道，非常適合作為今餐嘅終結。
張貼
