影片
更多
2020-02-03
1758 瀏覽
一年一度嘅團年飯， 想搵間近近地，坐得又舒適，味道質素又唔錯既酒樓， 於是就搵咗一直評價不俗彩晶軒。 我自己其實本身就未食過，但有聽過身邊既人比過正評，今次一於試下。因為新年嘅緣故， 彩晶軒推出咗新春套餐， 雖然覺得價錢有啲貴， 但一年一度就一於食好啲食豪啲， 我哋七個人叫咗半圍，再單點左一道鴛鴦豆腐比九十幾歲婆婆。第一道上茶既係燒㕲拼盤， 叉燒同雞都幾出色， 特別係雞好嫩皮好滑，叉燒亦都肥瘦適中。第二道係翡翠花姿彩鳳片， 個名就改得幾好聽，但呢道餸就最少人幫襯， 其實味道都唔差， 西蘭花亦都好綠好新鮮咁， 但啲肉就相對比較乾身。第三道係清蒸大海石斑， 一上菜侍應就用匙羹整開咗條魚，所以張相影到條魚好醜哈哈，但真係幾滑幾好食的， 條魚蒸到啱啱離骨，火喉岩岩好。第四道就係單點嘅鴛鴦豆腐， 豆腐上面配上帶子，令道菜上左層次， 味道亦很鮮美， 帶子都好新鮮，都算大隻。第五道係發財蠔豉大利，非常入味，而且都好足料，豬脷亦好有口感， 唔會太冧亦唔會太硬，生菜吸哂啲汁料既味後好入味， 係唯一清曬嘅菜。第六度係沙汁鳳尾明蝦球， 係我全晚最愛食既一道菜， 反而大人們對呢度菜反應並不熱烈，有一半都係被我
因為新年嘅緣故， 彩晶軒推出咗新春套餐， 雖然覺得價錢有啲貴， 但一年一度就一於食好啲食豪啲， 我哋七個人叫咗半圍，再單點左一道鴛鴦豆腐比九十幾歲婆婆。
第一道上茶既係燒㕲拼盤， 叉燒同雞都幾出色， 特別係雞好嫩皮好滑，叉燒亦都肥瘦適中。
第二道係翡翠花姿彩鳳片， 個名就改得幾好聽，但呢道餸就最少人幫襯， 其實味道都唔差， 西蘭花亦都好綠好新鮮咁， 但啲肉就相對比較乾身。
第三道係清蒸大海石斑， 一上菜侍應就用匙羹整開咗條魚，所以張相影到條魚好醜哈哈，但真係幾滑幾好食的， 條魚蒸到啱啱離骨，火喉岩岩好。
第四道就係單點嘅鴛鴦豆腐， 豆腐上面配上帶子，令道菜上左層次， 味道亦很鮮美， 帶子都好新鮮，都算大隻。
第五道係發財蠔豉大利，非常入味，而且都好足料，豬脷亦好有口感， 唔會太冧亦唔會太硬，生菜吸哂啲汁料既味後好入味， 係唯一清曬嘅菜。
第六度係沙汁鳳尾明蝦球， 係我全晚最愛食既一道菜， 反而大人們對呢度菜反應並不熱烈，有一半都係被我食左😊，沙律醬好夠，蝦亦都好大隻， 炸完唔會太硬，咬落啱啱好， 唯一美中不足係， 實在太大件喇，如果細件啲就好。
等咗成晚終於等到鮑魚上碟喇，真係原隻嫁，但如果早啲上就好，都開始飽無去欣賞佢😂
炸子雞同樣因為我飽咗，冇仔細去品嚐，但食左兩件，雞皮的確脆脆的， 而且雞肉仲係熱的，應該係新鮮炸起。
糯米飯同壽桃就例牌野， 但我咪煩我覺得有點太硬， 壽桃嘅pat pat雖然唔夠紅，但反而幾好食，入面仲有蛋黃，唔只得蓮蓉。
最後發現唔記得左影碗翅，一人一碗，味道亦幾好。
張貼
