新仙清湯腩咖哩專門店 (已結業)

第一次食新仙清湯腩約係3年前, 油麻地分店, 嗰次食物質素好麻麻, 我當自己當時唔好彩。之後因為係港島區上班, 所以都係去灣仔分店, 前後都食過5-6次, 非常滿意。我未食過九記, 但灣仔嘅新仙出品就一定抛離哂天后兩家清湯腩。但就係估唔到我今次再訪油麻地店會咁差...唉。下午約五點到達, 只有兩個人客。舖頭好似装修過, 仿7-80年代香港嘅居住環境, 都幾特別嘅。想叫個大嘅清湯牛坑腩河, 個收銀哥哥答 "坑腩河冇分大細架喎!!!"答嘅時侯語氣頗差, 去過呢間舖嘅應該可以想像到佢嘅咀臉。冇分大細Size呢樣亦同灣仔分店做法唔同。咁我最後叫咗個牛坑腩河~碗坑腩河好快到, 嘩D牛腩少到呢。請看相片作比較。我唯有安慰自己, 反正下午茶時間, 少都冇所謂啦, 如果好食嘅話。一食之下, 可惜...直頭係垃圾級別！牛腩, 其實唔太似係坑腩, 肥同瘦部份都好硬同韌, 咬得好費勁。湯, 勉強可以, 較淡, 冇灣仔店嘅咁濃香蘿蔔, 係硬嘅, 根本都未㷛腍, 更加唔好諗佢入唔入味啦河粉, 同上, 唔知來貨質素差定未煮夠時間, 亦係硬硬地嘅我食哂啲牛腩, 飲咗些少湯, 已經盡哂力。食剩哂D河粉同大部份湯, 就