三星台菜食堂 (新城市廣場一期)

營業中

休息中

兩個人，6點入座食晚飯，唔使等位。但有點驚訝的是其實餐廳在這時間已經坐到差不多滿座了。枱排得比較密，加上是商場入面開放式設計的餐廳，要傾計就爭啲，都係快快手手食完野就算。野食上菜上得好快。招牌紅燒三星牛麵 — 牛肚牛筋牛腩都好入味同好腍；麵底揀了幼麵，我覺得質感麻麻地；湯底微辣，唔算好出色但都唔差。台灣腸唔錯，味道幾好。餐廳跟蒜蓉不是蒜片，個人喜歡蒜片多啲，蒜蓉好難夾上腸片度一齊食⋯⋯碟菜就好一般了，面頭啲炸蒜腍咗，質感好怪。這樣的份量兩個人食有點唔夠喉，但又諗唔到想食咩，唯有轉場再食。