新華茶餐廳

營業中

休息中

街坊介紹嘅茶餐廳，叫咗個沙嗲牛肉麵同埋叉燒意粉餐，就知道要慢慢座下等佢新鮮蛋撻出爐，喱間嘅沙嗲牛肉都幾出色，啲牛肉都好嫩滑同埋個醬都好濃烈，配上公仔麵沾哂啲沙嗲醬一啖擺入口，果然喺最好嘅配搭。餐飲方面就無咩特別，都喺普通凍檸茶同埋奶茶。蛋撻方面新鮮出爐嘅同唔係新鮮出爐嘅我都食過，唔係新鮮出爐嘅話，酥皮會有少少可能唔夠鬆軟，但係蛋漿都好綿密入口即溶。如果咁幸運遇上新鮮出爐嘅幾飽都需要再叫多一個，新鮮出爐真係熱辣辣，酥皮食落口係好鬆化，咬一啖好脆同埋會跌好多碎碎出嚟，中間個蛋更加唔使講，接近流心狀態，同酥皮融合，都係等大家過嚟朝聖。