金雋江南菜館 (已結業) 查看

同朋友們睇戲前，先係附近醫肚，搵左間平價上海菜，雖然服務一般，但價錢合宜，食物味道不錯。雞絲粉皮細細碟，但食落份量頗多，粉皮又薄又滑，拌勻麻醬同雞絲，又香又有肉感，有幾個口感，味道仲幾好，食完清爽不膩，岩哂夏天食既前菜。小籠包即點即蒸，上枱熱辣辣，湯汁夠多，而且好香帶肉味，皮薄餡靚做得幾好。再來係蒜泥白肉，估唔到個樣轉左少少，但起初以為雞絲粉皮又來。下層放左薄切白肉，豬味突出，爽滑有彈性，拌辣醬汁，幾刺激下，辣味久久不散，反而蒜味太少。加了青瓜絲更為清新，減少辣味。擔擔麵肉碎同花生都滿多，微微辣味帶花生香，麵仍有咬口微彈，若花生味更多的話就好。上海炒年糕夠鑊氣，十分香口惹味，份量多好飽肚。年糕煙韌吸到醬油味，夾埋肉絲食更香。顏色、香味、味道都到位，做得幾好。