影片
更多
2021-04-28
3332 瀏覽
無論美式定韓式嘅炸雞我都鍾意食，不過想食嘅一大條件就係要搵到知音🙋♀️，皆因炸雞必定係大大份。呢日終於覓到同好一齊到訪「Goobne Chicken 」，我第一次嚟旺角店，但之前已經喺尖沙嘴同銅鑼灣店食過。我要澄清返，Goobne嘅雞其實係烤雞先啱。我同朋友星期六中午十二點就嚟到，所以未有太多客，不過店員已經做好哂開工嘅準備，態度友善，服務到位👍。週末無得嗌餐，只可以單點主餐牌嘅菜式。兩條友真係食唔到太多嘢，我哋最終只係食得兩款食物😩。韓式BBQ醬煙燻烤雞拼蜜糖香滑烤雞($238)，作為烤雞專門店嘅Goobne，當然有賣各種口味嘅雞🐔。除咗辣嗰兩款外，其他幾款我都好有興趣，好彩呢度有得嗌半半啫✌🏻。烤雞真係好大份，我哋咁大食都食剩，要打包。另外，雞有得揀有骨或冇骨🦴。韓式BBQ醬煙燻烤雞，🍖韓式BBQ醬同想像中有啲唔同，帶少少甜，味道濃得嚟唔會太重口味。最重要嘅係同烤雞非常夾。蜜糖香滑烤雞，🍯蜜糖味係我至愛，而且嚴格來講呢度嘅係蜜糖芥茉味先正確。蜜糖唔係甜到漏嗰種，而面頭就附上唔少芥茉籽。蟹籽沙律醬芝士雞蛋卷($128)，🥚雞蛋卷唔算太大件，不過勝在闊身。蛋卷上面鋪滿蟹籽沙律醬，撈勻哂
無論美式定韓式嘅炸雞我都鍾意食，不過想食嘅一大條件就係要搵到知音🙋♀️，皆因炸雞必定係大大份。呢日終於覓到同好一齊到訪「Goobne Chicken 」，我第一次嚟旺角店，但之前已經喺尖沙嘴同銅鑼灣店食過。我要澄清返，Goobne嘅雞其實係烤雞先啱。
我同朋友星期六中午十二點就嚟到，所以未有太多客，不過店員已經做好哂開工嘅準備，態度友善，服務到位👍。週末無得嗌餐，只可以單點主餐牌嘅菜式。兩條友真係食唔到太多嘢，我哋最終只係食得兩款食物😩。
韓式BBQ醬煙燻烤雞拼蜜糖香滑烤雞($238)，作為烤雞專門店嘅Goobne，當然有賣各種口味嘅雞🐔。除咗辣嗰兩款外，其他幾款我都好有興趣，好彩呢度有得嗌半半啫✌🏻。烤雞真係好大份，我哋咁大食都食剩，要打包。另外，雞有得揀有骨或冇骨🦴。
韓式BBQ醬煙燻烤雞
30 瀏覽
0 讚好
0 留言
蜜糖香滑烤雞
13 瀏覽
0 讚好
0 留言
蟹籽沙律醬芝士雞蛋卷
$128
19 瀏覽
0 讚好
0 留言
蟹籽沙律醬芝士雞蛋卷($128)，🥚雞蛋卷唔算太大件，不過勝在闊身。蛋卷上面鋪滿蟹籽沙律醬，撈勻哂嚟食唔會膩，而且我仲驚覺有啲芝士肉醬嘅味道，幾正！蛋卷中間嘅部份充份展現何謂拉絲芝士🧀，而芝士會拉絲就皆因溫度夠熱。
隨烤雞會附送一碟韓式醃蘿蔔，酸度適中，食落好開胃🤤。如果唔夠，仲可以叫店員Refill。
題外話，餐廳好貼心，會提供一切食炸雞必備嘅工具，即係膠手套🧤、濕紙巾同骨盛等。同時，店舖環境衛生，食客自然食得安心。
總括嚟講，我認為Goobne烤雞比韓國當地食到嘅更好食🍗。呢度嘅烤雞外皮微脆，沾滿醬汁好入味，而內裡嘅雞肉經高溫烤焗後仍能保持肉嫩多汁，實在難得。不過我始終希望餐廳可以考慮出半份雞，賣貴啲都無所謂，因為太大份真係食唔哂呀！最後，我上載埋餐廳嘅完整餐牌以供參考🙏🏻。
張貼
