三井日韓料理 (已結業) 查看

上網見到有雜誌介紹呢度有日韓放題，所以考完試就約左朋友黎試下。我地7.30前結帳，所以係$158嗰個時段。（刺身：三文魚、八爪魚、吞拿魚）魚生幾新鮮，口感味道普通，唔算特別出眾，不過我地都叫左兩輪~（花之戀、黑松露油甘魚壽司）黑松露份量適中，入口好香，均勻係魚上面抹開，好好味（韓國鐵板芝士年糕）呢度嘅鐵板、鍋物等都算幾迷你，細平時嗰D一半左右，所以唔洗擔心會好飽。呢度嘅年糕下面有韓式公仔麵同可以拉絲嘅芝士，再配上韓國辣醬，맛있다~~ (好吃耶)（芝士炸雞）其實我地係為左芝士炸雞黎嘅~芝士無令我地失望，真係拉得出絲架 至於炸雞就有D淋，感覺好似無炸過咁…不過我一向唔特別鍾意食炸野，所以都無乜所謂~有芝士就得架喇（雞肉稻庭烏冬）烏冬好彈牙，昆布味道好濃。細細碗，食幾啖就食完，唔怕無胃口食其他野（日式牛肉鍋）湯底微甜，除左牛肉外仲有雞蛋、蔥花、娃娃菜、冬菇等。肥牛片吸曬湯底嘅精華，甜甜地好好味。（櫻花奶凍）賣相好靚，每杯入面都有一朵櫻花。不過就奶凍淨係得牛奶味，上面粉紅色嗰層都無花味。（甜品：泡芙、馬卡龍、南瓜蛋糕、焦糖菠蘿、Brownies)甜品好迷你，馬卡龍只係大過拇指少少，味道不過不失