影片
更多
2019-07-18
3821 瀏覽
今晚係呢間酒樓食飯，本來都無咩問題，但埋單時拎左張單黎，明明銀碼係HKD1687, 對過張單無問題，咪比信用卡佢碌囉，點知再拎翻黎簽名時，張單變左HKD1811, 無啦啦多左4個甜品，我發現後即時話點解唔同左價錢，多左4個甜品，酒樓伙記話跟跟先，轉頭又拎翻原本張單黎，話入錯左！問題黎啦1) 點解第一張單同第二張單會唔同價錢?2) 唔同價錢點解無同食客再次確認？之後同經理投訴，經理睇完2張單後，問我想點，我話你係咪要搵同事黎理解下件事之後再對我解釋，佢只係回覆左一句，我地內部唔洗同你地解釋，我之後會問佢地，我話唔得，我一定要知，我懷疑你地飛單，佢態度馬上180度改變，變到非常惡劣，之後佢好不願意地搵翻個同事岀黎，原來係同一個人，個伙記自稱寫錯枱號，我話，點解3分鐘隔離枱可以入錯我單，再食完個甜品？個伙記話係先入廚房拎出嚟， 再入電腦！ 問題又再黎啦，有系統入單，但可以唔洗入單就可以岀食物，咁係咪有機會飛單？當我話要拎咭片作岀投訴，經理竟然要我自己岀門口拎，我話，我係客，你有咩理由要我自己去拎，之後佢叫左做錯野個伙記去拎，仲大大聲話拎邊張都得，拎佢自己(經理) 個張都得！之後我拎完張咭片，
問題黎啦
1) 點解第一張單同第二張單會唔同價錢?
2) 唔同價錢點解無同食客再次確認？
之後同經理投訴，經理睇完2張單後，問我想點，我話你係咪要搵同事黎理解下件事之後再對我解釋，佢只係回覆左一句，我地內部唔洗同你地解釋，我之後會問佢地，我話唔得，我一定要知，我懷疑你地飛單，佢態度馬上180度改變，變到非常惡劣，之後佢好不願意地搵翻個同事岀黎，原來係同一個人，個伙記自稱寫錯枱號，我話，點解3分鐘隔離枱可以入錯我單，再食完個甜品？
個伙記話係先入廚房拎出嚟， 再入電腦！ 問題又再黎啦，有系統入單，但可以唔洗入單就可以岀食物，咁係咪有機會飛單？
當我話要拎咭片作岀投訴，經理竟然要我自己岀門口拎，我話，我係客，你有咩理由要我自己去拎，之後佢叫左做錯野個伙記去拎，仲大大聲話拎邊張都得，拎佢自己(經理) 個張都得！
之後我拎完張咭片，見到張咭片唔係佢名（因為係女仔名），我叫佢寫翻佢自己個名時，好不願意下寫左佢名係咭片到！仲話睇黎你應該係第一次黎食，我話係，亦都係最後一次，你地咁樣欺騙食客，唔會再黎，佢竟然回覆一句，你都無損失！ 當我轉身走個時，仲要話，你都傻傻地，我馬上問佢，咩傻傻地，佢話，都唔係指名道姓話你，態度非常囂張！
張貼
