祥勝茶餐廳 (已結業) 查看

星期六晚上唔煮飯但又好想食茶餐廳，好掛住個鴨腿湯飯，之前食過，所以來再食但今晚無，話只係日頭先有得賣，果次食好好食，大大隻鴨腿，湯頭無咩油，熱辣辣，飯係分開上的，超有水準！今時今日唔係度度有鴨腿湯飯食，就算有都係超油的，唔會分開飯上，湯都唔會係熱辣辣的，因為無得賣所以叫左個芙蓉蛋飯同羅漢齋乾炒伊麵，個芙蓉蛋飯一到，我超開心，因為好耐無食過芙蓉蛋入面有芽菜，叉燒，火腿絲，苟黃等甘多料，再加上蛋唔係煎到熟透果隻，仲有最重要既甜豉油（上次我係某間食無豉油係面，我問伙記比我既係美極咯）所以呢個芙蓉蛋飯超有水準，我地兩個人都好認同！跟住再來個炒伊麵，好食，唔油又唔乾！好入味！茶餐廳可以做到甘既價錢，又唔求其煮，我會再光顧！唔怪得知可以做到甘多年啦！值得一試！