北京樓 (已結業)

同同事黎食晏，叫左個套餐，240 幾蚊，包括任揀三碟小菜、擔擔麵同砂鍋雲吞雞。<br>小菜首先揀左鳳梨魚柳，d 魚柳炸得幾香脆，配合菠蘿一齊食，酸酸味味咁，幾惹味，不過d 魚柳竟然有d 腥味，就有d 離普；另外叫左個醬爆合桃雞丁，個醬幾夠味，合桃都幾脆口，配埋雞丁食都幾配合，唔錯；仲有個名堂好特別既唔知咩豆腐，其實即係用特別既方法去整玉子豆腐，清清地都幾好味。<br>擔擔麵就麻麻地，麵條唔夠好食，個醬唔夠麻，湯底唔夠味，叫做填飽個肚咁啦！砂鍋雲吞雞就不過不失，湯底尚算清甜，不過d 雞煲都鞋晒，唔夠滑！<br>講真食物質素普普通通，唔算好超班，又唔算差，埋單每人平均60 蚊，都叫做化算，如果食點心食到悶悶地，都可以黎試下既！