豚王 (新城市廣場) (已結業)

今日黎沙田豚王食拉麵！豚王係本人最愛拉麵之一，但疫情關係少出街食飯，已經有成一年半無食豚王了！連食評都無寫，其實係個人懶惰，我而家開始又努力寫返先，不過過一段時間都係會懶惰🤣🤣講返今次黎豚王，多數我都係試佢嘅每月限定王（每月都不同），今次睇過張poster有諗過唔食限定王，揀返最愛招牌-豚王！而最後我都係揀咗限定王-櫻花蝦湯拉麵，我都係想試吓個蝦湯係點！首先個蝦湯好鮮甜有蝦味，原來係用雞湯再加櫻花蝦粉及紅菜頭汁既（官方社交平台嗰度有寫）配雞肉片而不是肩肉或腩片，雞肉片好淋一點也不‘鞋’，歲半BB都吃到喔！個麵底跟正常麵底顏色不同，帶點粉紅色，味道不錯！配菜有蓮藕片、京蔥絲、紫色椰菜絲、櫻花蝦，紫色椰菜食落比較硬身，京蔥撈埋麵條一起食很香口很醒神，櫻花蝦跌晒落啲湯度就只係食到少少！總括櫻花蝦湯拉麵有驚喜都好味！