蓮香樓 (已易手) 新餐廳

已知道中環蓮香樓在本年2月尾關閉，我和日本朋友來懷緬一下及為酒店作記錄，是日是平時星期二的午飯時間，蓮香樓固有舊茶客及來港觀光的遊人們使到 整間酒樓相當擠迫， 根本插針刀插唔入。香港近來已經開始減少很多用推車仔賣點心， 越嚟越少，只有舊式的酒樓仲keep住有推車仔嘅做法。我哋二人很難先搵到位置坐下來， 侍應大叔忙到頭 轉唔切， 執枱速度都比較慢，所以坐底後需要等5至10分鐘先得閒處理清理位置。嚟得梗係要用茶壺沖茶喇，呢個真係蓮香樓嘅特色，間中玩下挑戰一下，都幾有趣味。食物方面，一定要食傳統舊式點心，好似蝦餃、燒賣及山竹牛肉等。今次幸好可以做到燒賣同山竹牛肉已經好高興。先講燒賣味道相當經典，有豬肉同蝦肉，雖然材料普通，但味道依舊有風味。山竹牛肉就比較淋身，牛肉味唔太夠，比較一般啦～至於我位日本朋友愛吃鳳爪，今次叫了花菇柚皮鳳爪，柚皮唔係度度都做得好食，蓮香樓可以講得話做得好出色，夠淋又夠甜，鳳爪都ok啦～花菇都香。而我最後一定係必食蛋黃蓮蓉包，一點都唔甜，而且蓮蓉好香滑，包面夠薄唔會成口粉，食十次十次都唔會討厭，仲愈食愈掛念添。