薩莉亞意式餐廳 (平田商場) (已結業)

不嬲都係薩莉亞既Fans，最近係藍田番工，晏晝就行遠啲過黎試下，藍田唔係工商業區，所以下晝好易搵到位，基本上唔洗等位。不過學生開左學，多左人放學黎食Lunch。今次同同事叫左新出既俾斯麥薄餅，上面有芝士、菠菜、煙肉同埋一隻半熟蛋。食過薩莉亞都知佢個餅皮其實唔係特別好食，啲蛋流左落去，個餅皮林左所以有啲漏。下次應該都會叫番水牛芝士薄餅算。同事叫左黑松露野菌忌廉意大利粉，中意食黑松露既會好中意佢 我自己就叫左鐵板漢堡辣腸雞球，都唔係第一次食，塊漢堡好香好濃肉味，兩條腸好干好鹹，兩舊雞本身係脆既，索左啲汁之後林左，不過啲汁撈飯好好食 ，粟米又好甜另外加左16蚊配飯，沙律同埋飲品吧，沙律啲菜今日唔係好靚，所以食唔晒。呢個價錢真係算係咁，50蚊內又可以飲飽食醉。