老點點心竹筒飯 (已結業)

我倆六點幾到旺角店，無咩人，唔俾坐卡位，原因係要留起啲大枱俾六人以上。但之後又見到其餘同樣兩位嘅客人可以坐，百思不得其解。由於係睇完食評先去試，所以點菜時都係睇住其他人嘅食評去點。蝦餃無特別 皮厚 比一般酒樓差鮮上肉響鈴腸粉裡面炸得唔夠脆亦唔夠熱 可能因為唔係即叫即整 芝心脆炸蝦丸味道不錯，芝士再多啲會更好鮮蝦肉餅竹筒飯肉餅還肉餅，飯還飯，竹筒還竹筒斑蘭馬拉糕點解要叫做馬拉糕？蛋糕就蛋糕啦。好難食，無味，真係乜味都無，凍冰冰，食完一啖就擺低左食物差都其次，服務亦差。向店員表示冷氣太大想熄細小小，女店員回應「無得較架喎，你呢個位算好，其他人都話熱」。俾錢買難受，大家有錢用唔哂的話可以一試，我就係咁先。