148
50
10
港鐵旺角站 D2 出口, 步行約6分鐘
所有分店 (2)
電話號碼
2398 9992
開飯介紹
老點點心竹筒飯提供中西合璧的新式點心,包括「吾係老點小漢堡」和「斑蘭馬拉糕」,以西式食材搭配中式點心,有創意又有心思。 繼續閱讀
獎項殊榮
最優秀旺角區開飯熱店 (2016)
營業時間
星期一至日及公眾假期: 11:00-02:00
付款方式
現金
其他資料
深夜營業
提及此餐廳的食評 (211)
卓越食家 2016-07-19
495 瀏覽
忙碌的生活都快將我焗到透不過氣,但幸好有假日的存在,才還我一些自由時間。記得都有好幾年未曾與媽咪去飲茶,因為平日飲茶的時間都是晨咁早,懶洋洋的我都寧願瞓多陣而不去。但最近一次我就好乖咁陪媽咪去嘆茶,原因是...這間根本就是年輕人新式飲茶的選擇。這間飲茶的地方座落在旺角,開飯都曾經有推介,最讓我期待的當然是灌湯餃,湯底看起來很好飲又夠濃味。鵪鶉蛋燒賣。$22三粒的燒賣藏住滿滿的gimmick,鋪了粒平日少吃的鵪鶉蛋使燒賣更有咸香和特色,重點是蛋黃不會硬到乾,吃落好開胃。紅魚子餃 $20兩粒的特色餃子裏面釀了粒粒魚子,外層是粉果皮,食起上嚟更有口感。內藏的蝦肉大隻鮮嫩,有點似食雲吞。高湯魚翅灌湯餃 $38當然還有最不容錯過的灌湯餃,貴為開飯的經典美食當然要試試!剛端上來就香氣四溢,湯的熱力十足,想不到竟然還夾住兩大隻鮮蝦。金腿高湯鮮竹卷 $22三條鮮竹卷浸在濃湯中,咬落肉汁豐腴,做得比其他店主出色!蟲草花雞竹筒飯 $30飯面鋪上蟲草花感覺上更健康養生,竹筒的深度深似海,份量供兩人用!用竹筒裝住飯食起上嚟更有風味!目測有很多不同年齡層的茶客在店子,還有好多年輕人在飲茶呢~茗茶 $4 位,點幾知點心齊齊share,人均幾十蚊嘆茶都係一個不錯的消磨地方,下次搵機會都要搵班朋友來試下!  繼續閱讀
新派點心小店 (焦點食評)
卓越食家 2016-07-13
579 瀏覽
因為每星期我都會飲茶的我,老點一直都有留意,但成日門都有吾少人係度等,所以今日做瑜珈難得可以和朋友去食個下午茶,因為5點幾原因不用等位就可以入到去,今次叫左5樣野食,每位$70價錢吾貴喎,之後食左大約一小時,店舖已經全滿,好彩早黎早享受美食。餐紙圖十分精美,食品選擇都還可以喎,有炸,飯,糕點,點心,仲有燉湯和甜品之類….香煎蓮藕蝦餅$28…黎到見到吾太油,食落去蝦味勁濃又彈口,而且加上蓮藕爽口,味道不錯,份量都不少添。蟲草花雞竹筒飯 $30…喜歡蟲草花的我,見到當然想試下啦….蟲草花煲湯和飯都有股獨特香味,今次加上雞一起食仲可以提升雞的香味添,而且原來這裡飯不是白飯而是應該加了小小紅米,增加口感,比心目中好味道而且份量沒想到咁多,大約有大半碗飯,食完都已經半飽了….哈新派點心小店鮮上肉響鈴腸$28…用豬肉和蝦作餡…釀係響鈴入面再上出面幼滑的腸粉皮,沒想到蒸完響鈴仲保持到脆口而吸左豬肉香味道的確幾特別,豬肉都軟熟吾會實一粒咁,當成舊一起食味道不錯。下次黎都係必叫腸粉,因為始終出面堅未見過咁做法蝦膠玉子豆腐$22..朋友鐘意食清淡,當然不二之選係豆腐啦,黎到十分精美,綠色䓤花加上大大粒蝦膠和淡黃色豆腐。食落去咸度適中而蝦膠打得好好有口感又有蝦味而且仲保留了少少蝦肉係度,豆腐夠滑身,一起食味道十分配合。班蘭馬孻糕$22…之前食開班蘭蛋糕都十分喜歡吃,第一次見到馬孻糕用佢當然要試下啦…這店吾想破壞班蘭香所以發酵時間短左少少,怪不知比蛋糕香味重和濃啦。吾淋身之餘好軟熟,食落味道濃而好香班蘭味,我自己一口氣都吃了大半添….蟲草花雞竹筒飯 $30…喜歡蟲草花的我,見到當然想試下啦….蟲草花煲湯和飯都有股獨特香味,今次加上雞一起食仲可以提升雞的香味添,而且原來這裡飯不是白飯而是應該加了小小紅米,增加口感,比心目中好味道而且份量沒想到咁多,大約有大半碗飯,食完都已經半飽了….哈 繼續閱讀
新晉食家 2016-07-06
984 瀏覽
兒時,只會在weekend受到爸爸徵召,才會有機會去茶樓嘆個茶,吃個包,睇本東Touch,翻個報紙,輕輕鬆鬆,愉愉快快便過了一個早上。不記得從何時開始,(大概是添好運興起的年份?)一間一間茶餐廳形式的點心店開始進駐旺區,使人們可以用一個快餐的節奏,去享受一餐點心盛宴。是日經過旺角,看見這間餐廳的名字十分有趣,便「因名而來」了。餐廳位於人來人往的染布房街,十分容易便可以找到。室內不算很大,所以如果在peak hour來的話,應該要等位,但今日我大約下午4:30來到,所以餐廳不算多人,可以隨便找座位。打開餐牌,選擇不算很多,所以很容易便點好菜了,主要也是根據餐牌上的「人氣排行榜」去選擇的,所以也算十分簡單。川貝雪梨燉海底椰 ($48) 9/10燉湯是一星期七天,每天更換的,飲落絕對無落味精,十分清甜,最適合家中沒有人煲湯,或經常因工作食無定時的都市人,好味!鮮上肉響玲腸 ($28) 9/10牛肉腸,叉燒腸,蝦腸,炸兩都時時有得食,響玲腸今次真的第一次食,由於響玲一定要即食,不然會變淋的緣故,我們也事不宜遲,立刻起筷,味道真的很出奇不以,除了響玲,腸粉裡面還有蝦和鮮肉,口感非常豐富,絕對值得推薦!冰梅豬手竹筒飯 ($30) 7/10呢個竹筒飯,點菜的時候我還以為是盅飯,或是蒸飯形式出的,想不到是一個竹筒飯,再加一個豬手點心,有少少失望。高湯魚翅灌湯餃 ($38) 9/10灌湯餃說做得好好啦,好大隻,蝦爽口彈牙,而座底既湯亦都十分鮮甜,出色之作。戚風斑蘭馬拉糕 ($22) 8/10斑蘭我個人十分喜愛,每次到星加坡也一定會買最少2個斑蘭蛋糕回港慢慢吃,而這裡的斑蘭馬拉糕也做得十分不錯,斑蘭味濃,口感鬆化,值得一試!埋單$174,2個人食得超飽,性價比絕對高,下次經過一定會再幫襯,試埋其他的人氣點心! 繼續閱讀