堅韓牛韓燒放題 (已結業)

同同事7個人去食午市放題，以為禮拜日食會多人，入到去還好唔多人，見到walk in 都唔洗等。坐低就開始叫嘢食，先上ge係d泡菜，豆芽，菠菜前菜類，係中上水平。之後就上熟食，佢個包餡雞翼同黑椒牛粒好正，之後都叫咗好多嚟食。講到韓燒唔可以唔講佢d牛，雖然係最普通果餐，但係d牛ge水準好ok，醃到啱啱好ge牛小排，大大塊ge牛排，都係非常ok。海鮮類，帶子，蝦，魚塊都好新鮮。肯能係我哋群人食得淡，個豬頸肉我哋覺得好鹹，其他肉都相當唔錯。最後不得不讚賞佢個蔬菜類，蔬菜類切得夠大塊，唔會燒一陣就燶曬，齋點少少鹽就非常好食。我哋食嘢果日唔知店長心情係味好好，每次佢行過都聽到佢跟住餐廳bgm唱，真係好正。