錦丼 (iSQUARE國際廣場) (已結業)

去iSQUARE睇戲，隔離有間日本餐廳，門口同入面裝修好似去左日本居酒屋，地方環境好靚好舒服。餐牌上有二人餐可以選擇，見份量太多食唔哂，所以一人叫左一個午餐。魚蓉沙律便當刺生厚切有甜蝦、油甘魚、三文魚各二件，魚腩蓉飯只有一層薄薄魚腩蓉，感覺有少少失望，還有一份蔬菜、一份中華沙律，刺身午餐包味噌湯。錦•壽司定食三文魚、油甘魚、左口、甜蝦、魚蓉各一件、太卷兩件。刺身薄切，壽司飯醋味不夠，味噌湯比較淡，定食份量比較少不夠飽，其實個餐可以加二十蚊有一碗烏冬，如果我叫埋烏冬食就啱啱好。