六越日越料理 (已結業)

間唔D中放題癮都會發下出黎, 今日就試左六越日越料理好難搵, 搵左成10分鐘先搵到, 我BOOK左8:30PM,不過早到左成半個鐘, 佢都俾我入佢安排我地坐係1間房入面, 3位既年青人旁邊張枱.....其實有其他, 不過冇俾我地, 我只可以話成餐飯食到幾炆下, 因為間房好應聲, 而呢3位年青人講野超大聲....食到隻耳有D鳴鳴地.....其實我揀揀下野食先發現佢係日式+越式料理.....第1輪都係食刺身, 食落幾OK, 個八爪魚好爽, 甜蝦好大隻, 不過我地就唔敢食太多, 超太膩另外都叫左少少壽司, 唔太差, 幾鐘意佢有花之戀食叫左少少天婦羅, 粉唔算太厚, 不過食食下佢收左我個天婦羅汁.....鐵板燒, 樣樣都叫左1/2件, 普普通通, 唔惹味亦唔香鹽燒鯖魚, 整得唔錯, 魚味好重, 平時食好多都冇魚味 (我好鍾意食魚的), 食落好香口牛柳粒, 佢比較似炒牛柳粒, 蒜味好夠, 亦好JUICY香辣蜆肉菜包, 覺得俾個名呃左, 個蜆一D都唔辣, 仲有好多粟米, 只係將D蜆肉同粟米撈埋就算, 好其男友鍾意食泡菜, 我自己唔太鍾意, 佢就話可以接受, 不過唔洗係度食炸物, 個炸蠔做得唔錯,