影片
更多
2012-03-29
25 瀏覽
從未試過在11日之內來同一間店舖食過3次飯,理由並不是此店有什麼特別的美食,又或有新式創意食物,全因一張100元的優惠卷>>>事源妹妹,妹夫,弟弟他們食過一次之後,店舖給他們一些優惠卷,食滿200元可當100元用,不過有期限的,約15日內,而且星期六,日及公眾假期唔可以用,同他們再次到訪此店亦是自己第一次來,這日是星期六所以用不到優惠卷,雖然食個午餐,點了12樣食物,5個人差不多560元,而結單時估唔到又有優惠卷....第二次來是兩日之後,因為小姨甥女舊曆生日,想起可以用到優惠卷,而且覺得有些食物唔錯,更可以食一些上次未試過的東西,今次8個人食,大大小小點了20幾款,每人只需55元,個個都讚抵食又好味,同樣今次又有優惠卷....事隔六日後第三次來,大家都同一想法,覺得不要浪費優惠卷,而且又可盡情點叫,4個人食了十幾款,每人約84元,之後結帳仍然有優惠卷~~~經過三次到訪此店,食了約30多款東西,對食物有三種看法,第一種每次必食,第二種無妨一試,第三種唔會再食~~~必食之選有*****金牌小籠包~~湯汁勁多,肉質鮮味牛肉麵~~妹夫及爸爸都愛吃的湯麵,他們說牛肉好腍
又或有新式創意食物,全因一張100元的優惠卷>>>
事源妹妹,妹夫,弟弟他們食過一次之後,店舖給他們一些優惠卷,食滿200元可當100元
用,不過有期限的,約15日內,而且星期六,日及公眾假期唔可以用,同他們再次到訪此店
亦是自己第一次來,這日是星期六所以用不到優惠卷,雖然食個午餐,點了12樣食物,5個
人差不多560元,而結單時估唔到又有優惠卷....第二次來是兩日之後,因為小姨甥女舊
曆生日,想起可以用到優惠卷,而且覺得有些食物唔錯,更可以食一些上次未試過的東西,
今次8個人食,大大小小點了20幾款,每人只需55元,個個都讚抵食又好味,同樣今次又有
優惠卷....事隔六日後第三次來,大家都同一想法,覺得不要浪費優惠卷,而且又可盡情
點叫,4個人食了十幾款,每人約84元,之後結帳仍然有優惠卷~~~
經過三次到訪此店,食了約30多款東西,對食物有三種看法,第一種每次必食,第二種無
妨一試,第三種唔會再食~~~
必食之選有*****
金牌小籠包~~湯汁勁多,肉質鮮味
牛肉麵~~妹夫及爸爸都愛吃的湯麵,他們說牛肉好腍,湯底濃郁
酸辣湯麵~~弟弟的至愛,連我都覺得好味,看似好辣,其實辣度溫和,微酸,好醒胃
芋泥小籠包~~如果喜歡食芋頭的人一定會如我這般鍾愛它,芋泥軟腍,清香幼滑,又不太
甜,食多幾隻都唔會膩
一試無妨****
滷大腸~~大腸炆得幾腍,好入味但過咸
水晶蛋~~蛋黃金香軟綿
翡翠瑤柱小籠包~~陷料有香西芹,紅蘿蔔配搭,顏色漂亮,味道清新
鮮蝦餛飩麵~~蝦欠鮮味,麵是白色那種,麻麻地
紅豆沙小籠包~~唔知點解紅豆的味有些怪,我自己有些抗拒,但弟妹他們覺得好味
菜肉生煎包/鮮肉生煎包~~兩款陷料味道唔錯,但外皮煎得唔夠香脆
香菇素菜餃/蒸菜肉餃~~兩款味道偏清淡,也不錯,而且餃子外形摺疊得好漂亮,值得一讚
師父的手工
韮王鱔絲~~炒得唔夠火候,所以食唔到爆香的感覺
醉雞~~酒味濃郁,滲入雞肉入面,芬芳撲鼻
上海肴肉~~肉質唔會太硬實,幾好味,但我更喜愛此店提供的醋,本身自己唔太好醋,今次
食到這個醋味令我難忘,醋味香濃卻不太酸.
乾拌菜肉餛飩~~伴著的蔥油,食起來帶些香味
筒仔蒸糕~~原來都是糯米飯,味道也可以,但偏軟淋,有些彈性口感會好些
唔會再食***
台式擔仔麵/陽春麵~~擔仔麵超級細婉,兩款湯麵同樣淡而無味
涼拌萵荀絲/小青瓜~~兩款都是涼拌菜,調味料唔突出,而且也不夠爽口
粉蒸排骨~~排骨有些梅,質感麻麻
清炒津白~~沒有光彩的一碟青菜
迷你芝麻包~~芝麻唔夠香,陷料好乾身
擔擔麵~~此麵精華在於配料湯汁,但完全唔香濃
排骨湯麵~~排骨肉質唔夠鬆軟
糖醋排骨~~完全唔好味,排骨好硬,骨多過肉,連個醬汁都唔ok
三杯雞~~這裡的三杯雞又是麻麻,雞肉好鞋
牛肚~~妹妹他們覺得味道還可,不過唔太淋,有些韌
雖然沒完全食晒全店的食物,但都差不多試晒我們想食的食物,最後認為此店還是以
包點餃子及部份麵食較為出色,而今次的經歷也覺得有趣及開心
張貼
