泰贊- 創意泰餐廳 (已結業)

去拜年前先醫醫肚😌隨機入咗依間泰菜餐廳，人流都幾多，店員服務唔錯，有笑容又會主動安排大啲嘅枱俾我哋，感覺良好🫶🏻✴️黃咖喱豬肉配薄餅✴️黃咖喱唔辣帶甜味，小朋友都食得到🙈豬肉唔算多，有少少鞋，不過雜菜份量幾足～咖喱汁沾薄餅好食，薄餅唔會太油膩👍🏻✴️蟹肉大蝦炒飯✴️配料唔算多，但個飯炒得非常乾身，粒粒分明而且碟底無油，厲害👍🏻！✴️蒜蓉炒雜菜✴️正常發揮，咩菜都有啲，炒得幾爽脆～✴️泰式奶茶&士多啤梨乳酪✴️泰式奶茶比一般嘅無咁甜，但欠缺紅茶香～士多啤梨乳酪就比較甜，如果可以再酸少少就更好😉