別府駅前料理 (已結業)

好耐無食過"別府"喇, 當日見附近各店只有呢間唔駛等位都知道麻麻哋, 貪快無辦法。 兩個人叫咗一個壽司拼盤、一個少辣既海地獄拉麵、一個2分辣既山地獄拉麵同一個所謂宇治金時既蕃薯。我老公個山地獄拉麵都ok, 但我個海地獄係海鮮拉麵, d配料唔單止唔鮮又淡仲有單凍肉味, 好彩d壽司料完全唔係同一科先無咁驚。 個壽司既蝦同魚都新鮮, 可以接受。最後係個蕃薯真係失望到極, 大大塊既係日本蕃薯? 大陸種"宇治金時"? 差不多賣成8蚊一片, 唔甜唔熱唔香唔鬆, 好似食緊塊隔夜既"切蛋"。幫襯"別府" 真係既體驗真係一次比一次差, 只會喺無得揀既情況下先會再幫襯。