必勝客 (已結業)

星期日我同媽帶埋囡囡去沙田新城市買開學用品，下午茶時間正打算來個tea，假日的NTP都預咗無何一間食店都會人多到飛起吧!偶然間就選擇咗自己久違已久的pizza hut,等了大約20mins才能入座，在tea time muen上我哋 order了一個大蝦蕃茄薄脆批及煙肉薯蓉配蒜蓉包，好意外從待應口中得知原來正做小食套餐買一送一優惠，可多選另一款，但還是想來多份這薯蓉好了，也可給囡囡吃嘛，隨即待應亦有奉上兒童餐具頗細心呢！始終連鎖式餐店食物質素其實都有信心保證，每份食物都有跟飲品，橙汁不是汽水而是給鮮橙汁，pizza香口脆皮，芝士溶味濃，當中的小車厘茄也是燒過的，蝦也彈牙，而薯蓉中及面都有焗過的煙肉碎薯仔味口味香濃幼滑，老實講$25一份還來個多送一實力有點抵得驚人,coffee 及 O茶都大大杯絕無馬虎，而且pizza hut service一直也能保持水準，2大1小埋單$87有找，以今時今日茶記都未必得的價錢來說相當的化算，今餐tea所有的都在預期之上，睇黎今後呢個都會成為tea time的好選擇。