首爾石鍋燒

營業中

休息中

話說呢2日要去旺角上堂，作為孤獨的美食家就當然搵下附近有咩好野食啦，平時都好少出城食野，中午放飯又唔想食茶仔咁普通，食特別野又貴，就俾我搵到呢間首爾石鍋燒，睇過下價錢一個午餐都係$5x-6x，算幾經濟，黎到門口有部電視播住kpop既mv，如果要排隊都有d野睇下無咁悶。呢間都係小店一間，店內坐位都排得幾密，中午1點左右黎到都已經爆晒場我一人要搭枱，店內都播住d kpop歌唔會好大聲，但就無mv睇啦。蘿白粟米蛋白豆腐湯午市跟餐送既餐湯，口感比較厚身，味道我個人不太喜歡，怪怪地，又蘿蔔又蛋白咁，飲左2啖無飲了，泡菜烤肉豆腐鍋轉烏冬食韓國餐最基本就當然係泡菜湯啦，泡菜湯鍋非常滾熱，泡菜豆腐豬肉片做配菜，仲有隻已打落去既生蛋冚埋左撈一撈先見到，材料算幾足，另外今日唔多想食飯就轉左烏冬加5蚊，烏冬就唔算係煙韌果隻，但都ok，韓國湯鍋黎講呢份叫合格啦，餐仲有包飲品，凍飲加3蚊要凍檸茶，無影到相，無乜特別就唔多介紹啦。以今日既體驗黎講環境食物同價錢都ok既，如果再黎旺角都可以返食，服務方面就女店員既態度會比較好少少，同場有1-2位男店員唔知係咪比較忙就粗聲粗氣少少，呢方面要留意下啦。