潮館 (創紀之城五期(apm)) (已結業)

家族團拜揀喺呢一度食， 訂咗兩圍全包宴 ，仲可以有獨立房間， 雖然唔係好闊落 ，但勝在可以隔聲， 放心傾計和享用美食。 酒席菜式都唔錯， 份量十足 ，好食兼大件 ，價錢仲要好抵， 四千零蚊兩圍好味豐富嘅團拜宴 ，實屬難得。 全包宴有十樣餸 最好食就梗係炒班球 ，其次就係鮑魚 ，第一碟潮式拼盤都唔錯 ，最難得就係有一碟淮山上湯浸菜苗， 菜靚湯甜， 少油少鹽， 非常健康 。豉汁蒸頭腩就鹹得滯， 失敗之作。 梅糕排骨同埋炸蝦棗都不過不失， 紅燒海味會生翅就比較行貨， 所以剩咗好多， 糯米飯都炒得好好， 最後嘅脆皮雞冇人食， 可能係分量太大，大家都食飽了。 反而壽桃就有人爭， 可見甜品係必需嘅 。呢度嘅服務就差啲 ，但係可以自己斟茶就係一大優點， 就算搵唔到侍應都唔緊要，自己動手， 豐衣足食。 下次有聚會都可以揀呢度。