廣東燒味餐廳 (已結業)

睇番其他食家的食評先知原來廣東燒味餐廳係香港都算幾有名。其實都係經過見入面幾多人先入去試下。哈哈。下午茶有炒粉麵套餐，叫了一客干炒沙嗲牛河+ 熱奶茶。($29)干炒沙嗲牛河與其話係干炒沙嗲牛河，不如話係干炒牛河。因為係一啲沙嗲味都冇。不過其實味道又唔錯。牛河炒得有煱氣，唔會太油，鹹淡適中。牛肉亦唔會太老，不過又未至於腍到無咬口。熱奶茶熱奶茶比較遜式，有小小澀，而且帶有小小的酸味。入口亦都唔夠滑。服務正常，無咩笑容。總括黎講，食物水準過得去，以$29 一個下午茶係尖沙咀算係抵食，如果想平平地食一餐飽肚的茶餐，廣東燒味餐廳係一個唔錯的選擇。