ABC餅屋

營業中

休息中

今次灣仔掃街之旅，一共去左四間歷史麵包店，而呢間ABC餅店係價錢最高、麵包餅類選擇最少、亦係最早無哂貨嘅餅店。星期六下午12點半嚟到，我想試嘅蜂蜜卷蛋、威化橙餅都無哂，職員表示咖啡卷蛋1點出爐、栗子卷蛋當日售罄😂。我唔能空手而回，所以最終買左兩件卷蛋。由於實在太飽，所以買完隔左一個鐘先食。綠茶紅豆卷蛋$14打開果陣已經聞到綠茶香，入口茶味幾濃，紅豆硬身，溶溶地Cream幾滑，雖然唔太甜，不過唔中意食Cream嘅我覺得太多、太油膩。紫心蕃薯卷蛋$16估唔到中間紫薯仍然呈冰嘅狀態😯紫薯分量算多，而且有紫薯味又唔會過甜，而且紫薯嘅Cream唔多，所以食落無綠茶咁油膩。餅店嘅合桃酥同樣出名，特別在可以加熱水整成合桃糊，不過由於價錢偏貴，自己又唔好合桃酥/糊，所以無試過，有興趣嘅朋友可以買嚟試下。