源記甜品專家 (已結業)

每次路過正街，我一定入去源記坐坐。西環源創立於1855年，已經係過百年老舗。都係屋企人介紹我先識嚟食。如果你晚飯後嚟，就必定要等位，可以的話，好似我咁下晝嚟就好似去cafe咁慢慢坐。呢度最出名就係桑寄生蓮子茶養顔、滋陰、保健，中式糖水就係咁神奇但我一最鍾意的，仍然係合桃露，但係主角係D蓮子。呢道無論桑寄生或杏仁/合桃露都可以加雞蛋或蓮子，D蓮子大大粒，完完整整，入口用脷一頂，即刻粉碎，十分鬆化。坊間D蓮子唔係太淋就係實的的，只有呢道我先鍾意食蓮子。呢道仲有全蛋雞蛋糕，唔似西式蛋糕的濃蛋味，而是清香的蛋味，應該用冰糖整，因為食得出淸甜味。