更多
2013-11-28
2266 瀏覽
同一班朋友打算包場搞生日, 第一時間就諗起去搵 d 樓上café, 之前有諗過去旺角搵, 因為旺角既樓上café 真係多不勝數, 但係我地呢 d 接近 30 歲既年青人, 諗落個 age group 好似唔係好岩我地, 同埋成日上網都睇到好多服務太多差既 café, 所以我地最後選擇向尖沙咀入手!入返正題, 我地幾個當晚放工就約埋一齊出尖沙咀, 漫無目的咁留意下尖沙咀既樓上 café, 行到加連威老道既 cotton on 見到對面個露台出面寫住 “回憶寄賣店”, 出面有幾個人坐左係度飲野, 就同 d fd 決定上去望下.實話實說, 個入口真係幾難搵..係一間化妝品店同一間健康飲品中間既樓梯上, 勝在個露台吸引到我地上去, 入到樓梯原來又另有一番景象喎! 一條紅絲帶沿住樓梯帶我地上去, 都幾得意.按一下門鐘, 店員就開門問我地幾位. 當日我地 3 個人比安排一張近門口既枱. 店員之後遞上既餐牌都好有特色, 應該係 DIY 既, 有心思同埋都幾靚. 我地最後叫左一杯MOCHA, 草莓朱古力咖啡同特飲. 樓上CAFÉ 都有拉花真係令我意想不到, 而且味道好好, 同平時去樓上CAFÉ 飲既咖
入返正題, 我地幾個當晚放工就約埋一齊出尖沙咀, 漫無目的咁留意下尖沙咀既樓上 café, 行到加連威老道既 cotton on 見到對面個露台出面寫住 “回憶寄賣店”, 出面有幾個人坐左係度飲野, 就同 d fd 決定上去望下.
實話實說, 個入口真係幾難搵..係一間化妝品店同一間健康飲品中間既樓梯上, 勝在個露台吸引到我地上去, 入到樓梯原來又另有一番景象喎! 一條紅絲帶沿住樓梯帶我地上去, 都幾得意.
按一下門鐘, 店員就開門問我地幾位. 當日我地 3 個人比安排一張近門口既枱. 店員之後遞上既餐牌都好有特色, 應該係 DIY 既, 有心思同埋都幾靚. 我地最後叫左一杯MOCHA, 草莓朱古力咖啡同特飲. 樓上CAFÉ 都有拉花真係令我意想不到, 而且味道好好, 同平時去樓上CAFÉ 飲既咖啡真係好大分別!
野食我地叫左一個三文魚意大利飯同一碟日式餃子, 我知道正宗意大利飯應該比較硬身, 但係呢 D 既就比較軟, 我反而 BUY呢個, 因為之前試過食到我胃痛… 至於個日式餃子我一心諗住係有 D 汁同紫菜係面果 D , 黎到既原來係上面鋪滿沙律醬既餃子, 正當我諗住要問個店員拎調味料既時候, 友人叫我試下咁既食法先, 試左其實都唔差, 不過我都係鍾意有紫菜果款多 D
總括黎講都十分滿意, 估唔到樓上 CAFÉ 都有咁既水準, 唔錯唔錯
張貼
