太爺雞 (已結業)

去 筲箕灣做野，十點由元朗去到筲箕灣，去到都十一點半。最衰仲未搵到個地盤係邊，都係食左野先，咁啱路邊又有車位，啦啦聲泊好先。一落車見到太爺鷄，門口掛住啲油鷄又真係好好色水，加埋有個阿婆話好正架真係！咪入去試下囉。由於小弟食完早餐無耐，叫唔落鷄，所以叫左碗牛筋腩河，牛筋就真係幾正，夠林夠入味，好有骨膠原感覺，牛腩都好香好入味。係個河粉普通左D。佢叫得太爺雞，當然出名比人叫鷄啦，我同事佢地就叫左雞，我緊係唔好執輸，拎舊嚟試下，果然夠香夠滑，唔怪得阿婆極力介紹。