海港燒鵝海鮮酒家 (已結業) 查看

今日下午我們去咗旺角金鷄廣場嘅「海港燒鵝海鮮酒家」飲下午茶！我們叫咗青瓜海蜇片嘅青瓜好清新爽脆，黑木耳好爽口軟滑，海蜇片相當爽滑彈牙！蜜椒鷄中翼嘅外層燒得香甜脆身，肉質相當嫩滑，蜜糖嘅香甜味，再加埋黑椒嘅香辣味，令到味道更加惹味！翠瓜鮮蝦腸嘅腸粉好軟滑，蝦肉好爽甜彈牙！花菇棉花鷄嘅鷄肉肉質好嫩滑，魚肚吸收晒芡汁嘅鮮味，花菇好軟滑腍身！鮑汁鳳爪燜得好腍好入味，鮑汁嘅味道好香濃！蠔汁叉燒包嘅包質相當香滑鬆軟，叉燒嘅味道好香甜！