Dodam Chicken (利舞臺廣場)

營業中

休息中

有個移民左外國既朋友番黎香港而只留一兩日。我深知佢喜愛韓式烤雞，因為難得見到佢番黎，所以就約佢食Dodam Chicken。佢最終無令到我失望，難以抵抗誘惑，所以一落機就出黎食飯應約。食店內裝修時尚，有播著韓流明星MV既電視亦同時放著韓流音樂，就連食譜都有韓文版。我地叫左原味烤雞 (HKD 168)同埋招牌沙律(HKD 128)。烤雞賣相一流，陣陣香味撲鼻，未食我地既口水已經滴緊出黎。另外，亦有附送蘿蔔同3種醬料佐食，任君選擇:沙律醬，芥末醬同甜酸醬。烤雞盤有雞胸，雞脾，全雞翼，滿足哂鍾意食唔同雞部分既人。咬落去啖啖肉，感覺勁幸福同滿足，個人黎講最鍾意芥末，惹味得黎又開胃。而我個朋友就鍾意甜酸醬多啲。蘿蔔就又爽口又好味。招牌沙律 (HKD 128) 用料非常豐富又健康，分量又大。佢有菠蘿，花生，紅腰豆，橄欖，提子乾，栗米，腰果，芝士芝麻醬。我地食到不能停口，兩個人既胃已經填滿。下次一定要再encore，因為烤雞仲有其他口味例如芝士，蜂蜜牛油窩夫，蜂蜜合桃等等，而且仲有年糕，海鮮煎餅，糖醋肉，簿餅等食物未試。