江油肥腸麵

營業中

休息中

對上一次行過通菜街，已經有成廿年多。晚上路經時，見原來有好多不同小店。其中見到呢間 “江油肥腸麵”。從外望入裝修新淨，見餐牌上的食物也合口味，就入去試試。原來係新店，所以點餐過程和上餐過程都有甩漏。不過老闆們都好有禮貌，加上知道新店一般都會有這階段。大家理解體諒一下可接受。兩人各叫了套餐一& 二。價錢真係無敵。份量足夠，又有小食仲有凍飲。真係再賣貴啲都唔過份。叫了紅燒肥腸米線 配 口水雞 ，凍檸茶，仲有雞雜米線配蒜泥黃瓜，凍檸茶。肥腸米線，腸夠咬口唔係會太淋太爛，而且無餲味。辣度夠而不會麻但香。米線不是滑滑個種而係煙韌。口水雞份量我估跟散叫一樣吧。如果小食搭單真係可以少少份量也合理。檸茶夠凍夠味 （我選走甜的）另一碗是雞雜米線不過是我太太食，所以我不作評論。但太太食完也說很好，除了對她來說辣了少許 （不過餐牌無寫可選辣度，但後來聽到另一枱怕太辣，老闆說可選少辣）。性價比高，必返去再食。我估服務行順之後，應該會越來越多人。