更多
2023-11-02
68 瀏覽
呢間日式餐廳有吧位有卡位，光光光猛猛企理，可以坐枱同廚師傾計～呢度除咗壽司刺身呢啲，仲有啲好精緻嘅和食同廚師發辦Menu。餐廳而家推出咗新Menu，喺廚師發辦Menu勾咗幾道菜式出嚟可以散嗌～會睇住客人進食速度每道菜逐道上，確保食物保持質素，有種食緊廚師發辦嗰種儀式感～😌------------------------------— 前菜 — 首先嚟咗一碟前菜，有三樣菜式，要跟返個次序食，由淡味食到濃味🦐櫻花蝦波波波波包裹上櫻花蝦拎去輕炸，櫻花蝦味道濃郁，好鮮好香🐟沙咀魚魚肉軟糯，醬汁入面有啲洋蔥同紅蘿蔔絲，酸溜溜特別開胃🐚黑梅貝好貼心已經事先挑好肉，肉質彈牙幾鮮甜— 和食 — 👅麵豉煮牛舌牛舌厚身好腍，完全冇根，麵豉醬汁香濃黏稠，入面有啲洋蔥絲，食落酸酸地，可以消下牛舌嘅油膩感🐠炸甘鯛甘鯛好考功夫，要不斷喺魚皮上淋上熱油，慢慢炸到鱗片企起身，外皮酥脆，肉質又唔會過熟，保持住juicy嫩滑，配上清甜嘅麵豉南瓜汁，仲配上甘藍菠菜同蘆筍🍗阿波尾雞翼隻雞全翼好大隻，外層拍上七味粉拎去燒，雞皮特別香脆，裏面嘅肉質嫩滑，但略嫌唔太入味～🌟 Encore指數：8.2/10
------------------------------
— 前菜 —
首先嚟咗一碟前菜，有三樣菜式，要跟返個次序食，由淡味食到濃味
🦐櫻花蝦波波
波波包裹上櫻花蝦拎去輕炸，櫻花蝦味道濃郁，好鮮好香
🐟沙咀魚
魚肉軟糯，醬汁入面有啲洋蔥同紅蘿蔔絲，酸溜溜特別開胃
🐚黑梅貝
好貼心已經事先挑好肉，肉質彈牙幾鮮甜
— 和食 —
👅麵豉煮牛舌
牛舌厚身好腍，完全冇根，麵豉醬汁香濃黏稠，入面有啲洋蔥絲，食落酸酸地，可以消下牛舌嘅油膩感
🐠炸甘鯛
甘鯛好考功夫，要不斷喺魚皮上淋上熱油，慢慢炸到鱗片企起身，外皮酥脆，肉質又唔會過熟，保持住juicy嫩滑，配上清甜嘅麵豉南瓜汁，仲配上甘藍菠菜同蘆筍
🍗阿波尾雞翼
隻雞全翼好大隻，外層拍上七味粉拎去燒，雞皮特別香脆，裏面嘅肉質嫩滑，但略嫌唔太入味～
🌟 Encore指數：8.2/10
張貼
