糖佰府 (已結業)

第一次寫甜品店食評。糖佰府最初做綿綿冰起家，哩點，我絕對明白。哩次有人請我落九龍城食飯，我當然回禮請番人請甜品，有來有往上等人嘛！點咗芒果什果涼粉丸子，椰林飄香各一客。芒果什果嘅芒果汁底味道淡咗少少，如果濃郁多d更啱我口味，丸子夠煙軔夠彈牙，椰林飄香面層鋪上什果，內藏椰汁打制嘅冰，係熱死人嘅夏天食，感覺一流。我地坐咗係門口第一張枱，係夏天黎講，冷氣足夠喎！只係店鋪面積細咗d，好似一條走廊，坐得唔係太舒服。