金雋江南菜館 (已結業) 查看

之前一直去開良景分店，結業後改去山景，食過置樂，今日過埋黎青衣食，不嬲員工都態度唔好，可能山景會正常少少，良景都係差，首先，個名變咗品居，我地驚去錯，行咗2個圈先入黎，套餐唔同晒，馳名豬扒麵冇得拼鍋貼，拼蘿蔔糕，黎到暖暖地，有陣微酸味，豬扒麵，麵味道幾好，豬扒都keep到，不過，覺得佢縮咗水。再黎係鍋貼，味道係好嘅，不過size得返三份二，而豆漿都可以，都係果句，縮水。你將佢個正常size打7折就係青衣分店嘅出品。我見我地個麵就黎食晒，問吓個員工，仲差鍋貼未到，佢就唔太客氣咁話，煎完會攞出黎，我都知啦，唔通未煎完就攞比我咩…有d吹脹。之前又見同一個員工去隔離枱吹水，面口唔同晒，可能人地係附近超市員工啦，熟客掛。