更多
2007-12-12
246 瀏覽
每年至少都要出街食一次火鍋,上酒樓任食火鍋閒閒地都要成百蚊落樓,去快餐店明碼實價好d。三個女仔叫左一個牛鍋王+豚肉火鍋(各$47),再加$6飲杯梅子沙冰,夠食有餘。牛肉同豚肉其實唔算多,牛肉都係得十塊八塊到,一陣就食哂。d肉類味道就ok,不過d菜就好似冇乜洗咁(見附圖),冇洗之餘仲切得鬼死咁大條,有排浸先熟。個梅子沙冰都幾特別,其實好似酸梅湯變左做思樂冰!仲有佢既醬料有豉油、蒜蓉(好味)同辣椒仔,好食過某d酒樓既火鍋醬料!我地落order既時候,唔知點解個收銀會聽左我地要例湯(打邊爐仲飲例湯??),等我去到攞既時候先知唔對路,好彩經理都好好人,肯幫我換番!
張貼