影片
更多
2023-06-18
479 瀏覽
#搞串個pantry上次食左間傳統港式扒房💕，今次就去左試一間#銅鑼灣 、#中環 、#何文田 、#沙田 都有分店嘅美式扒房🥩！呢間餐廳主打#平鐵牛扒 ，仼食薯條🍟，店內裝修簡約時尚。今次就嗌咗香草平鐵牛扒($175)、是日特別版招牌平鐵牛扒($248)。平鐵牛扒據說即係牛肩膀對上嘅肉🤯，據稱係第二嫩滑嘅部位🧐。香草平鐵牛扒🌟🌟🌟呢個扒叫咗五成熟，上菜嘅時候已經切好一塊塊🍽️，成塊牛扒似用烤焗方法整🔥，外層比較焦硬，裏面嘅肉保持住粉紅肉色。呢個熟度，食落口嫩滑😜，但裏面有啲筋，食落口會有啲韌，整體感覺其實有少少似自助餐上面嘅烤牛肉🤨。味道方面，牛扒有淡淡的胡椒同埋鹽嘅味道，牛味唔算濃郁。同碟上面仲有一嚿焗蒜頭🧄，啲舊焗蒜頭可以再焗耐少少，因為佢食落口仲係有啲偏硬，如果再腍啲，會再好食啲😋。是日特別版招牌平鐵牛扒🌟🌟今次呢個招牌平鐵牛扒，淋上一種特製嘅醬汁，個醬汁有少少甜，亦都有少少辣🌶️。牛扒方面，係兩塊比較薄嘅牛扒，冇得揀熟度。牛扒食落去肉質好似普通蜜糖牛柳粒入面嘅牛柳，感覺冇乜特別🤨。反而個醬汁味道幾好，令塊牛扒變得好食咗。任食薯條🌟🌟🌟🌟同大部份其他扒房嘅任食薯條一樣，都係幼直身薯條🍟
上次食左間傳統港式扒房💕，今次就去左試一間#銅鑼灣 、#中環 、#何文田 、#沙田 都有分店嘅美式扒房🥩！呢間餐廳主打#平鐵牛扒 ，仼食薯條🍟，店內裝修簡約時尚。
今次就嗌咗香草平鐵牛扒($175)、是日特別版招牌平鐵牛扒($248)。平鐵牛扒據說即係牛肩膀對上嘅肉🤯，據稱係第二嫩滑嘅部位🧐。
香草平鐵牛扒🌟🌟🌟
呢個扒叫咗五成熟，上菜嘅時候已經切好一塊塊🍽️，成塊牛扒似用烤焗方法整🔥，外層比較焦硬，裏面嘅肉保持住粉紅肉色。呢個熟度，食落口嫩滑😜，但裏面有啲筋，食落口會有啲韌，整體感覺其實有少少似自助餐上面嘅烤牛肉🤨。味道方面，牛扒有淡淡的胡椒同埋鹽嘅味道，牛味唔算濃郁。同碟上面仲有一嚿焗蒜頭🧄，啲舊焗蒜頭可以再焗耐少少，因為佢食落口仲係有啲偏硬，如果再腍啲，會再好食啲😋。
是日特別版招牌平鐵牛扒🌟🌟
今次呢個招牌平鐵牛扒，淋上一種特製嘅醬汁，個醬汁有少少甜，亦都有少少辣🌶️。牛扒方面，係兩塊比較薄嘅牛扒，冇得揀熟度。牛扒食落去肉質好似普通蜜糖牛柳粒入面嘅牛柳，感覺冇乜特別🤨。反而個醬汁味道幾好，令塊牛扒變得好食咗。
任食薯條🌟🌟🌟🌟
同大部份其他扒房嘅任食薯條一樣，都係幼直身薯條🍟，食落口脆度軟硬度適中，炸到啱啱好。因為叫咗是日招牌平鐵牛扒會送一款特製醬料比你點薯條，呢款醬偏辣，但非常惹味🤤！
大家如果想試下特別啲嘅牛扒部位😊，都可以嚟試吓㗎。呢度除咗有牛扒，仲有豬肉🐷可以揀。
張貼
